Thursday, February 19, 2009

Kunam ket Ali latta ah...

Paspas ti manehok itattay bigat. Naladawakon iti opisinak, ungtannakto manen diay sekretariak apow... naung-unget pay ngem siak ta ana ngarud ket awan met tarabakuenna no awanak pay...

Ket kastan sa nga agpayso ti royal... er... loyal. Madanagan ngamin no haannak a makita iti maysa nga aldaw.

Awan relasyon mi. Tita ti awag ko kaniana ta naub-ubing la bassit ngem ni nanangko. Diak kayaten ti mangyempleyo iti seksi ken naubing... diak kayat ti matemptar...

Amangan no idemandadak iti seksual harasmen... narigaten.

No comments: