pakbet republic

Haanka kano nga ilokano no ‘dimo kayat ti pakbet.




Idi ubingak ket nabayagko a pinampanunot no apay a pakbet ti nagan dayta a putahe. Inyeksplikar kaniak ni inangko a dayta ket naadaw iti klase ti pannakaluto dagiti natnateng. Naglalaok a paria, kamatis, ken tarong, pinakebbet babaen ti apgad ti bugguong. Isu dayta ti komposision ti orihinal a pakbet recipe. Variations-na laengen dagiti dadduma, ta no ania dagiti ilocos vegetables in season, kas koma ‘tay okra (saluyot a bunga kunada idiay Cagayan), kamotit, utong (sitaw), patani, pallang (sigarilyas), sili nga atiddog … kdpy. Pakbet ti baknang ti pagbalinannan no adda igatang iti isagpaw a karne wenno bagnet.


Aglalaok a raman. Naalsem (kamatis), napait (paria), naapgad (buggoong), nasam-it (kamotit), nagasang (sili). Iti panagag-agong ni ilokano, nabanglo! Iti panagtitipon dagiti raman ken say-op, naimas a pannangan!